स्याङ्जा, २८ माघ । चापाकोट नगरपालिका ८ ज्याग्दीघाटस्थित कालीगण्डकी किनारमा एक जना पुरुष आज बिहान मृत अवस्थामा फेला परेका छन् ।
मृत अवस्थामा फेला पर्नेमा पाल्पा रम्भा गाउँपालिका १ हुँगी बस्ने ८७ वर्षीय देवीलाल भट्टराई रहेको जिल्ला प्रहरी कार्यालय स्याङ्जाका सूचना अधिकारी एवं प्रहरी नायव उपरीक्षक हरिप्रसाद पौडेलले जानकारी दिनुभयो ।
सोमबार घरबाट हिडेका भट्टराई आज कालीगण्डकी किनारमा मृत भेटिएका हुन् ।
मृतको शव पोष्टमार्टमको लागि चापाकोट अस्पताल चापाकोट स्याङ्जामा राखिएको प्रहरीले बताएको छ । प्रहरीले घटनाको सम्बन्धमा आवश्यक अनुसन्धान गरिरहेको जनाएको छ ।
