काठमाडाै , २० साउन । नेकपा माओवादी केन्द्रका सांसद माधव सापकोटाले कुलिङ पिरियडमा भएको छेडखानीमा राज्य व्यवस्था समितिका सभापतिको कार्यशैली रहस्यमय देखिएको बताउनुभएको छ ।
मंगलबार संसद भवन नयाँ बानेश्वरमा सञ्चारकर्मीसंग कुरा गर्दै सापकोटाले कुलिङ पिरियडका बिषयमा छानविन गर्ने क्रममा सरोकारवालासंग छलफल गर्दा समिति सभापति रामहरि खतिवडाको कार्यशैली रहस्यमय देखिएको बताउनुभएको हो ।
सभापतिले आफ्नो पदीय जिम्मेवारी निर्वाह गर्न नसकेको छानविन समितिको ठहर रहेकाले नैतिकता भए राजीनामा दिनुपर्ने उहाले बताउनुभयो ।
सांसद सापकोटाले कुलिङ पिरियडमा भएको छेडखानी नियतजन्य रुपमा गरिएको कमजोरी भएको धारणा राख्नुभयो ।
उहाले कानूनतः प्रथम दृष्टिमै हस्ताक्षरकर्ताहरु सभापति र सचिव दुवै जनाले यसको जिम्मेवारी लिनुपर्ने र नैतिक रुपमा गल्ति स्वीकार गर्नुपर्नेमा जोड दिनुभयो ।
