पूजा खड्का
स्याङ्जा,२३ कार्तिक । वालिङ्ग नगरपालिका वडा नम्वर ७ को सिद्ध विनायक युथ क्लब केवरेले आयोजना गरेको साविक को वडा स्तरीय भलिबल प्रतियोगितामा भिरकोट ३ को शुभकामना युवा क्लबले प्रथम स्थान हासिल गरेको छ भने सुशील खडका उत्कृष्ट खेलाडी चुनिनु भएको छ ।
भलिबल प्रतियोगितामा दोस्रो आयोजक सिद्धि विनायक युथ क्लब रहेको छ भने तेस्रोमा लोहोम्बास युवा क्लब रहेको छ । त्यसै गरी सान्त्वनामा आयोजक समुह कै वि ग्रुप रहेको छ। खेलमा भिरकोट ३ को शुभकामना युवा क्लब ले प्रथम स्थान सहित नगद रु ५१००० (एकाउन्न हजार ) सहित ट्रफि मेडल र प्रमाणपत्र हात पार्न सफल भएको छ । त्यसै गरी दोस्रो स्थान सँगै ३१००० (एकतीस हजार) नगद सहित ट्रफि मेडल र प्रमाणपत्र सहित आयोजक सिद्ध विनायक युथ क्लबले हात परेकाे छ।
खेलको विधा अन्तर्गत उत्कृष्ट खेलाडीमा भिरकोट ३ का शुभकामना युवा क्लबका सुशील खडका सफल हुनुभएको छ भने शुभकामना युवा क्लब कै दिनेश खड्का वेस्ट क्विकर र सुदिन राना वेस्ट सेटरमा रहनुभएको छ। त्यसै गरी आयोजक सिद्ध विनायक युथ क्लबको वेस्ट ब्लकरमा रमन गुरुङ्ग रहनुभएको छ भने युनिस गुरुङ्ग बेष्ट्र लिब्रोमा चुनिनु भएको छ । त्यसैगरी वेस्ट स्पाईकरमा आयोजकका सफल थापा रहनुभएको छ ।
