स्याङ्जा चैत २४ । गल्याङ जेसीजको कोषाध्यक्ष सामाजिक अभियान्ता साधना न्यौपानेले आफ्नो जन्मदिनको अवसर पारी गल्याङ जेसीज मार्फत गल्याङ नगरपालिका वडा न ३ मा रहेका ८२बर्षिय असहाय साइला दाइ भनिने बल बहादुर थापा लाई खाद्यान्न कपडा सहित सहयोग गर्नु भएकाे छ ।
न्याैपानेले आफ्नो जन्मदिनको अवसरमा गल्याङ जेसीज द्वारा आयोजित खाद्यान्न कपडा सहयोग कार्यक्रममा चामल,दाल,नुन,फलफूल र कपडा सहयोग गर्नु भएकाे हाे ।
समाज परिवर्तनको सपना बोक्ने जो कोहिले पनि सामाजिक रुपान्तरणका लागि असहाय अशक्त गरिवहरुलाइ सहयोग गर्नु पर्ने भन्दै उहाँले हरेक अशक्त असहायको ओठमा खुशी भर्न सक्नु नै महत्वपूर्ण कदम हुने बताउनुभयाे । साथै सोही कार्यक्रममा असहाय बल बहादुर थापाको खुट्टामा गम्भीर चोट रहेको हुदा गल्याङ नगर अस्पतालका डाक्टर निरन्जन चौधरीको सहयोगमा घरमै उपचार समेत गरिएको गल्याङ जेसिजका तालिम आयुक्त नेत्र अर्यालले जानकारी दिनुभयाे।
