स्याङ्जा, ४ जेष्ठ । स्याङ्जाको वालिङ नगरपालिकाको प्रमुखमा नेकपा एमालेका कृष्ण खाँण विजयी हुनुभएको छ । उहाँले नेपाली काँग्रेसका दिलीप प्राप्त खाँणलाई पराजित गर्दै विजयी हुनुभएको हो ।
त्यसैगरी नगरपालिकाको उपप्रमुखमा नेपाली काँग्रेसकी कविता गैह्रे विजयी हुनुभएको छ ।
१४ वडा रहेको नगरपालिकाको वडा नं ३, ४, ६, ७, ८, ९, १२ र १३ गरी आठ वटा वडामा नेकपा एमालेका अध्यक्षका उम्मेदवारहरु विजयी भएका छन् भने १, २, ५, १०, ११ र १४ गरी छ वडा वडामा नेपाली काँग्रेस विजयी भएको छ ।
वालिङ नगरपालिकामा ३९ हजार ६५९ जना मतदाता रहेकोमा २६ हजार ७७४ जनाले मतदान गरेका थिए ।
२०७४ को स्थानीय तह निर्वाचनमा वालिङ नगरपालिकाको प्रमुख उपप्रमुखमा नेपाली काँग्रेस विजयी भएको थियो । यद्यपि औपचारिक घोषणा भने हुन बाँकी छ ।
