स्याङ्जा, २८ साउन । स्याङ्जाको आँधिखोला गाउँपालिकामा घाँस काट्ने क्रममा लडेर एक जनाको मृत्यु भएको छ ।
मृत्यु हुनेमा आँधिखोला गाउँपालिका २ रंगेठाटी बस्ने ६० वर्षीय देवनारायण सार्की रहेका छन् । जिल्ला प्रहरी कार्यालय स्याङ्जाका प्रवक्ता एवं सूचना अधिकारी प्रहरी नायव उपरीक्षक रबिन्द्र खनालका अनुसार शनिबार बिहान अन्दाजी १०ः४५ बजेको सार्की घरदेखी २ किमि दुरीमा रहेको पाखोबारी (खरबारी) मा घाँस काट्ने क्रममा ७०-८० मिटर तल लड्न जाँदा घट्नास्थलमानै मृत्यु भएको हो । यस सम्बन्धमा थप अनुसन्धान भइरहेको प्रहरीले बताएको छ ।
