स्याङ्जा, २७ फागुन । आधिखोलामा डुबेर गल्याङमा एक जनाको मृत्यु भएको घटना सेलाउन नपाउदै सनिवार वालिङमा एक जनाको डुबेर मृत्यु भएको छ । मृत्यु हुनेमा वालिङ नगरपालिका ८ घुम्ती बस्ने अन्दाजी १५ वर्षीय कुशल भुषाल रहेको जिल्ला प्रहरी कार्यालय स्याङ्जाले जनाएको छ ।
शनिबार दिउँसो आफ्नो दुई जना साथीसहित वालिङ नगरपालिका ८ मालेबगरस्थित आधिँखोलामा पौडी खेल्ने क्रममा भुसाल डुबेर बेपत्ता हुनुभएको थियो । 
नेपाल प्रहरी, शसस्त्र प्रहरी र स्थानीयहरुको सहयोगमा भुसाल बेहोस अवस्थामा फेलापारी उपचारको लागि प्राथमिक स्वास्थ्य केन्द्र वालिङ लगिएको थियो । 
उहाँको उपचारको क्रममा डाक्टरले मृत घोषणा गरेको जिल्ला प्रहरी कार्यालय स्याङ्जाले जनाएको छ ।
