स्याङ्जा, २७ साउन । नेपाल विद्यार्थी संघ चापाकोटले माध्यमिक शिक्षा परिक्षा (एसईई) मा उत्कृष्ट नतिजा ल्याउने विद्यार्थीलाई सम्मान गरेको छ । शुुक्रबार चापाकोट नगरपालिका वडा न ९ सिटि हलमा आयोजित कार्यक्रम गरेर नेविसंघ चापाकोटले सम्मान र प्रशंसा पत्र बाट विद्यार्थी सम्मान गरेको हो । विद्यालयमा उत्कृष्ट नतिजा ल्याउने सहित चापाकोट नगरपालिकाका निजि तथा सामुदायिक विद्यालयका १ सय ५० विद्यार्थीलाई सम्मान गरिएको हो ।
चापाकोट नगर प्रमुख देव बहादुर खाण (इस्वर)ले नेपाली काङ्ग्रेसको नर्सरी नेविसंघ जुनसुकै क्षेत्रमा अब्बल हुने गरि अध्ययन गर्न सुझाव दिनुभयो । नगर प्रमुख खाणले आफु नेविसंघमा काम गर्दै नेतृत्व गर्न सफल भएको बताउदै सूचना–प्रविधि लगायतका प्राविधिक विषयमा सम्भावनाहरू रहेको भन्दै जुनसुकै विषय पढे पनि चापाकोटका विद्यार्थी उत्कृष्ट हुनुपर्ने बताउनु भयो । काँग्रेस महाधिवेशन प्रतिनिधि रामचन्द्र पङेनी शिक्षक संघ स्याङ्जा जिल्ला अध्यक्ष पशुपति पौडेल नेपाली काङ्ग्रेस नगर सभापति विक्रम सारु नेविसंघ का नेता धनराज पौडेल लगाएतले सक्षम विद्यार्थीले मात्रै देश निर्माण गर्न सक्ने भन्दै नीति निर्माण तहसम्म आजका विद्यार्थीहरु पुग्नुपर्ने भनाइ राख्नुभयो ।
नेपाल विद्यार्थी संघ चापाकोट नगर सभापति महेश डोटेलको अध्यक्षतामा भएको कार्यक्रममा स्वागत नेपाल प्रेस युनियन स्याङ्जाका जिल्ला उपाध्यक्ष गोपीकृष्ण रेग्मी र कार्यक्रम सन्चालन प्रेम नारायण रेग्मिले गर्नुभएको थियो ।डोटेल नेविसंघको केन्द्रिय सदस्य मनोनीत भए पछि चापाकोटको कार्यवाहक सभापतिमा सुनिल पङेनिलाइ जिम्मेवारी दिइएको नेविसंघले जनाएको छ ।
