काठमाडौं, १४ असोज । राष्ट्रिय स्वतन्त्र पार्टी (रास्वपा)ले चाडपर्व नजिकिँदा बजारमा उपभोग्य वस्तुको कृत्रिम अभाव सिर्जना गरिएको जनाएको छ ।
उपभोग्य बस्तुको कालो बजारीले प्रश्रय पाएको रास्वपाले विज्ञप्ति निकालेर जनाएको छ ।
रास्वपाका उद्योग तथा वाणिज्य विभाग प्रमुख गणेश पराजुलीले सोमबार निकालेको विज्ञप्तिमा भ्रमपूर्ण विज्ञापन गरी उपभोक्तालाई झुक्याउने प्रयास गरिएको उल्लेख गरेका छन् ।
गुणस्तरीय वस्तु तथा सेवा प्राप्त गर्ने उपभोक्ताको संवैधानिक हकप्रति रास्वपाले ध्यानाकर्षण गराएको छ । मुल्य, परिणाम, शुद्धता, गुणस्तर लगायतमा सरकारको ध्यानाकर्षण गराइएको छ ।
