काठमाडौँ, ८ माघ । राष्ट्रिय स्वतन्त्र पार्टीका सभापति रवि लामिछाने मंगलबार भैरहवा पुग्नुभएकाे छ।
जिल्ला अदालत, रुपन्देहीमा दायर भएको सुप्रिम सहकारीको बचत अपचलनसम्बन्धी मुद्दामा सुनुवाइका लागि उहाँ भैरहवा पुग्नुभएकाे हाे।
सरकारी वकिल कार्यालयले आइतबार उहाँविरुद्ध मुद्दा दायर गरेको थियो। बुधबार बिहान उहाँ अदालतमा हाजिर हुने तयारीमा हुनुहुन्छ।
बुटवलको सुप्रिम सहकारीबाट उहाँको नाममा दुई करोड कर्जा गएको देखिएको र उहाँ गोर्खा मिडियाको सञ्चालक हुँदा सहकारीबाट करिब १० करोड गएको आधारमा उहाँलाई प्रतिवादी बनाइएको छ ।
