काठमाडौ,८ माघ । व्यावसायी क्षेत्रमा राज्य कठोर बनेको अधिवक्ता अर्जुनकुमार अर्यालले आरोप लगाउनु भएको छ ।
मंगलबार काठमाडौको कार्की ब्याङ्केटमा भएको नेपाल राष्ट्रिय व्यवसायी महासंघको नव निर्वाचन कार्यसमितिलाई सपथ ग्रहण कार्यक्रमलाई सम्बोधन गर्दै अधिवक्ता अर्यालले व्यापारीलाई राज्यले थिच्दै गएको बताउनु भएको हो । उहाँले भन्नुभयो “राज्यले दुई सय पचास प्रतिशत नाफा लिने तर व्यापारीले बीस प्रतिशत भन्दा बढी लिए कालाबजारी हुने यो नीति विभेदपुर्ण छ ।” सरकारले गाडी दुई सय पचास प्रतिशत कर लिने गरेको भन्दै उहाँले यसरी जनतामाथि ठुलो करको हिस्सा थोपर्नु गलत भएको तर्क गर्नुभयो ।
पछिल्लो समय आएको विधेयकले यस बिसयमा केही सम्बोधन गरेपनि त्यसको कार्यनयन पाटो हेर्न बाकी रहेको उहाँको धारणा थियो । निर्वाचन समिती संयोजक समेत रहनु भएका अर्यालले निर्वाचित सम्पुर्ण पदाधिकारीलाई सपथ समेत खुवाउनु भएको थियो ।
