बलेवा,२५ असार । जैमिनी नगरपालिका–९ पैयुथन्थापस्थित कालुङ्खोले उपल्लो कालुङ्खोला लघु जलविद्युत् आयोजनाको बाँध र पावरहाउस बगाएको छ ।
आज बिहानको बाढीले आयोजनाको बाँधसँगै पावरहाउस बगाएको र सात परिवार जोखिममा रहेकाे स्थानीय गङ्गा आचार्यले बताउनुभयाे । गत वर्ष रु ३५ लाख खर्चेर निर्माण गरिएको स्टिल पुल पनि बगेको आचार्यले बताउनुभयाे ।
बाढीले केन्द्रीय विद्युत् प्रसारण लाइनको ट्रान्सफर्मरमा पनि क्षति भएको छ । ट्रान्सफर्मरमा क्षति भएपछि स्थानीय विद्युत् पैञ्युथन्थापका एक सय ३० घरमा बिजुली आपूर्ति बन्द भएको छ ।
