स्याङ्जा,१७ असोज । वालिङ् नगरपालिकामा अबैध रुपमा प्राकृतिक श्रोतको दोहन भएको पाइएको छ । वालिङ् नगरपालिकामा ८ को काफल डाडामा अबैध रुपमा प्राकृतिक श्रोतको दोहन भएको पाइएको हो ।
ग्रहौसुर जाने बाटोबाट दिनहु ट्याक्टर र ट्रकले ढुङ्गा ओसारपसार गर्ने पाइएको हो । 
वालिङ् नगरपालिकाको एक छेउमा पर्ने उक्त ठाउँ बाट नजिकैकाे नगरपालिका चापाकोट नगरपालिकामा लैजाने भन्दै ढुङ्गा ओसारपसार हुन थालेपछि स्थानीयले चासो देखाउनुभएकाे थियाे । 
रातीमा समेत ढुङ्गा ओसारपसार हुन थालेपछि स्थानीयले चासो देखाएकाे बताउनुभएकाे हाे । 
एक स्थानीयले हेर्ने कुरासंग कुराकानी गर्दै भन्नुभयो “रातिमा समेत नजिकैको नगरपालिकामा ढुङ्गा ओसारपसार हुन थालेपछि यस बिसयमा हामीलाइ निकै जिज्ञासा भयो ।” उहाँका अनुसार दैनिक १०/१५ ट्याक्टर र ट्रकका हिसाबले ढुङ्गा ओसारपसार हुने गरेको छ । 
वालिङ् नगरपालिका ८ काफल डाडाबाट ढुङ्गा ओसारपसार भएको बिषय वालिङ् नगरपालिकालाई कुनै जानकारी नभएको नगरपालिकाका प्रमुख कृष्ण खाडको भनाइ छ । उहाँले हेर्ने कुरासंग कुराकानी गर्दै भन्नुभयो “त्यस ठाउँबाट ढुङ्गा ओसारपसार भएको बारेमा नगरपालिकालाई कुनै जानकारी छैन । ” उहाँले आफुले अहिलेसम्म थाहा नपाएको हुँदा अब यसबारेमा सोधिखोजी गर्ने जनाउनु भएको छ ।
