हेटौँडा , १२ असोज। कुलेखानी जलशयमा जल सतह भरिएर ओभर फ्लो सुरु भएको छ । शनिबार बिहान ४:५० बजेको समयबाट कुलेखानी जलाशय ओभर फ्लो भएको हो ।
हाल कुलेखानी जलाशयको क्षमता भन्दा बढी पानी संकलन भएको कुलेखानी प्रथम जलविद्युत आयोजनाका प्रमुख तारादत्त भट्टले जानकारी दिनुभयाे ।
कुलेखानी भरिएपछि ड्यामका २ वटा गेट खोल्ने तयारी गरिएको उहाँले बताउनुभयाे ।
उहाँका अनुसार कुलेखानीमा हाल १ हजार ५३०.२८ मिटर पानीको सतह मापन गरिएको छ । कुलेखानीमा प्रतिघण्टा ३७ मिटर पानी संकलन भइरहेको उनको भनाइ छ ।
