संगम भण्डारी
स्याङ्जा, २९ साउन । स्याङ्जाको गल्याङ नगरपालिका वडा नम्बर १ मालुङ्गामा रहेको श्री सार्वजनिक नमुना माध्यमिक विद्यालयमा परीक्षाफल प्रकाशन तथा पुरस्कार वितरण कार्यक्रम मङ्गलबार सम्पन्न भएको छ। विद्यालयमा शैक्षिक सत्र २०८१ को प्रथम त्रैमासिक परीक्षाको परीक्षाफल प्रकाशन तथा पुरस्कार वितरण गरिएको विद्यालयका अतिरिक्त क्रियाकलाप संयोजक एवं कार्यक्रम सञ्चालक सोमनाथ न्यौपानेले जानकारी दिनुभयो।

उक्त कार्यक्रममा बोल्दै गल्याङ नगरपालिका वडा नम्बर १ का वडा अध्यक्ष मणिप्रसाद बस्यालले अभिभावकलाई आफ्ना छोराछोरीको पढाइप्रतिको इच्छा र तिनीहरूले मोबाइलको प्रयोगबाट गरेको समय बर्बादको ध्यानाकर्षण गराउन समेत अनुरोध गर्नुभयो।

 त्यसै विद्यालयका व्यवस्थापन समितिका अध्यक्ष पुरुषोत्तम बस्यालले भन्नुभयाे,  “यस विद्यालयमा विभिन्न क्षेत्रबाट विद्यार्थी आउँदा म अत्यन्तै खुसी हुन्छु।” हामीले see  र कक्षा १२ को परीक्षा जस्ता ठूला परीक्षाहरूमा राम्रो नतिजा प्राप्त गरेता पनि अझै यसलाई उत्कृष्ट बनाउने प्रतिबद्धता समेत जनाउनुभयो।

उक्त कार्यक्रममा विद्यालय व्यवस्थापन समितिका अध्यक्ष तथा शिक्षक अभिभावक सङ्घका पदाधिकारी र गल्याङ नगरपालिका १ का वडाध्यक्ष वडा सदस्य सहितको उपस्थिति रहेको थियो।