कल्पना भट्टराई
पाल्पा,१६ कार्तिक । पैदल यात्रीलाई ट्रकले ठक्कर दिदा पाल्पामा एक जनाको मृत्यु भएको छ । मृत्यु हुनेमा पाल्पा जिल्ला माथागढी गाउँपालिका २ स्थित खहरे बस्ने ५३ बर्षिय टेक बहादुर ढेगा रहेको जिल्ला प्रहरी कार्यालय पाल्पाले जनाएको छ ।

पाल्पाको भित्री सडकमा माथागढी गाउँपालिका जादै गरेको लु २ ख १४५ नम्बरको ट्रकले पैदल यात्री ढेगालाई बिहिवार राती ७ बजे ठक्कर दिएको थियो । ढेगालाई लुम्बिनी मेडिकल कलेज प्रभाषले मृत घोषणा गरेको जिल्ला प्रहरी कार्यालय पाल्पाका सूचना अधिकारी सुनिल मल्लले जानकारी दिनुभयो ।

ट्रक र ट्रक चालकलाई प्रहरीले नियन्त्रणमा लिएको मल्लले जानकारी दिनुभयो । घटनाबारे अनुसन्धान जारी रहेको पनि उहाँले जानकारी दिनुभयो ।